Kjarafélag viðskiptafræðinga og hagfræðinga

Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði.  Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.

Alls voru greiðandi félagsmenn tæplega 1.400 á árinu 2016.  Um helmingur þeirra starfar á almennum vinnumarkaði en um helmingur hjá hinu opinbera.

KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.

Aðsetur KVH og BHM er að Borgartúni 6, Reykjavík.

Efst á baugi

Aðalfundur

24/03/2017

Aðalfundur KVH var haldinn 23.mars. Auk venjulegra aðalfundarstarfa, skýrslu stjórnar um starfsemi félagsins, samþykkt reikninga og fjárhagsáætlunar, fór fram kosning í embætti. Formaður til tveggja ára var kosinn Birgir Guðjónsson, gjaldkeri til tveggja ára Helga S. Sigurðardóttir og meðstjórnandi til tveggja ára Stefán Þór Björnsson. Fyrir í aðalstjórn eru þau Ragnheiður Ragnarsdóttir ritari og Guðfinnur Þór Newman meðstjórnandi.

Í varastjórn til eins árs voru kosnir Hjálmar Kjartansson, Sæmundur Árni Hermannsson og Einar Geir Jónsson. Skoðunarmenn reikninga til tveggja ára voru kosin Halla S. Sigurðardóttir og Jóngeir Hlinason.

“Brúum bilið” – opinn fundur fag- og kynningarmálanefndar BHM

17/03/2017

Fag- og kynningarmálanefnd BHM efnir til opins fundar fyrir félagsmenn hinn 5. apríl nk. um þjónustu bandalagsins og aðildarfélaga við félagsmenn sem komnir eru á eftirlaunaaldur. Yfirskrift fundarins er „Brúum bilið! – þjónusta BHM og aðildarfélaga við félagsmenn sem komnir eru á eftirlaunaaldur“.

Fundurinn fer fram í húsakynnum BHM, Borgartúni 6, 3. hæð, kl. 11:30–13:00.

Dagskrá og skráning hér.

Aðalfundur KVH

15/03/2017

Aðalfundur Kjarafélags viðskiptafræðinga og hagfræðinga (KVH) verður haldinn fimmtudaginn 23. mars 2017, kl. 12:00 – 13:30, í aðalfundarsal BHM að Borgartúni 6, 3. hæð.

Dagskrá:

  • Skýrsla stjórnar um störf félagsins á liðnu starfsári
  • Reikningar félagsins
  • Skýrslur og tillögur nefnda
  • Tillögur félagsstjórnar
  • Kosning í embætti stjórnar og önnur trúnaðarstörf
  • Lagabreytingar
  • Ákvörðun félagsgjalda
  • Fjárhagsáætlun og fjárfestingastefna félagsins
  • Önnur mál

Kosningar: Á þessum aðalfundi skal skv. lögum félagsins kjósa formann og tvo aðra aðalmenn, þ.e. gjaldkera og einn meðstjórnanda. Að auki skal kjósa þrjá varamenn í stjórn og tvo skoðunarmenn reikninga. Eftirtaldir hafa gefið kost á sér með lögmætum fyrirvara til þessara embætta:

  • Til formanns: Birgir Guðjónsson.
  • Til gjaldkera: Ársæll Baldursson.
  • Til eins sætis meðstjórnanda: Einar Geir Jónsson og Stefán Þór Björnsson.
  • Til aðalmanns: Helga S. Sigurðardóttir
  • Til varastjórnar: Hjálmar Kjartansson og Sæmundur Árni Hermannsson.
  • Til skoðunarmanna reikninga: Halla S. Sigurðardóttir og Jóngeir Hlinason.

Lagabreytingar: Stjórn KVH leggur fram eftirtaldar tillögur til lagabreytinga:

  1. Að í annarri málsgrein 9.gr laga um aðalfund, þar sem fjallað er um hvaða mál skuli tekin til meðferðar á aðalfundi og nánar hvernig haga skuli kosningu til embætta, þar standi:

Kosning í embætti stjórnar og önnur trúnaðarstörf:

  • Kosning formanns annað hvert ár
  • Kosning ritara til 2ja ára
  • Kosning gjaldkera til 2ja ára
  • Kosning meðstjórnanda til 2ja ára
  • Kosning 3ja varamanna til eins árs
  • Kosning 2ja skoðunarmanna reikninga til 2ja ára

   2. Að fjórða málsgrein 9.gr. laga um aðalfund verði þannig:

“Framboð/tilnefning til embætta á aðalfundi skulu tilkynnt stjórn fyrir 1. mars næstan á undan aðalfundardegi. Tilkynningu skal fylgja staðfesting þess sem býður sig fram / er tilnefndur á því að hann gefi kost á sér til embættisins. Einungis er hægt að bjóða sig fram til eins embættis stjórnarmanns á aðalfundi. Kosningar til trúnaðarstarfa og atkvæðagreiðsla um lagabreytingar skulu vera leynilegar. Einungis þeir félagsmenn sem mæta á fundinn hafa atkvæðisrétt.”

Orlofssjóður BHM – sumarið 2017

07/03/2017

Lokafrestur til  að senda inn umsókn um orlofshús innanlands sumarið 2017 rennur út  á miðnætti 30. mars. Úthlutun fer fram strax daginn eftir eða 31. mars.

Sótt er um hér: Bókunarvefurinn. Það þarf að velja „UMSÓKNIR“  inni á bókunarvefnum til að senda umsókn.

Orlofsblaðið er komið út. Hér er hægt að skoða blaðið

eldri_frettir_button